ڈیرہ اسماعیل خان میں تیل اور گیس کے ذخائر دریافت

اسلام آباد: (ویب ڈیسک) سندھ کے بعد ڈیرہ اسماعیل خان میں بھی تیل اور گیس کے ذخائر دریافت کر لئے گئے۔
پیٹرولیم ڈویژن کے مطابق ڈیرہ اسماعیل خان میں دریافت ہونے والے تیل اورگیس کے ذخائر سے یومیہ 39.12 ملین مکعب کیوبک فیٹ گیس اوریومیہ 1840 بیرل تیل حاصل ہوگا۔
وزارتِ پٹرولیم نے تیل وگیس کے ذخائر کی دریافت پر قوم کو مبارکباد دیتے ہوئے کہا ہے کہ اس سے تیل اور گیس کی درآمدات پر انحصار میں کمی واقع ہو گی۔
چند روز قبل سندھ میں بھی تیل و گیس کے ذخائر دریافت ہوئے تھے، موجودہ کیلنڈر سال کے دوران تیل اور گیس کی یہ 15 ویں دریافت ہے، دریافت سے تیل اور گیس کی درآمدات پر انحصار میں کمی واقع ہوگی۔