دفتر خوان اور پاکستان ایئر فورس کی شراکت سے تعمیر ‘الفا’ کا افتتاح

اسلام آباد: (ویب ڈیسک) نیشنل ایرو سپیس اور ٹیکنالوجی پارک میں واقع الفا ایک کو ورکنگ سپیس ہے جس کی بنیاد دفتر خواں نے ایویشن سٹی پاکستان کے اشتراک سے رکھی ہے، الفا کا افتتاح دسمبر 2022ء میں ہوا تھا جبکہ ایویشن سٹی پاکستان ایئرفورس کا ایک منصوبہ ہے۔
الفا پرانے اسلام آباد ایئرپورٹ پر واقع ہے جو جدت پسند ٹیک کمپنیوں کو ایروسپیس، آئی ٹی اور سائبر ٹیک جیسے شعبہ جات میں مشغول ہونے کا ایک منفرد موقع فراہم کرتا ہے، نیشل ایرو سپیس اینڈ ٹیکنالوجی پارک کو پاکستان کے پہلے نیشنل انکیوبیشن سینٹر کا بھی اعزاز حاصل ہے، جس میں ایرو سپیس عمودی اور گہری ٹیکنالوجی پر خصوصی توجہ دی گئی ہے، جبکہ اس میں فنڈنگ وزارت انفارمیشن ٹیکنالوجی کے ذیلی ادارے اگنائٹ نے کی ہے۔
الفا، دفتر خوان کے منفرد آفس ڈیزائن اور ماحول کی عکاسی کرتا ہے، 450 سے زائد ممبران کی گنجائش رکھنے والی اس سائٹ میں ملٹری گریڈ سکیوٹی، محفوظ پارکنگ، 10،000 مربع فٹ کا کیفے، ایک پوڈ کاسٹ، ڈے کیئر کی سہولت، بینکنگ سینٹرز، اے ٹی ایم اور قانونی، ریگولیٹری سہولیات اور اداروں کے ون ونڈو آپریشن شامل ہیں۔
اے سی پی پی ایل کے سی ٹی او ڈاکٹر توصیف الرحمان نے کہا ہے کہ نیشنل ایروسپیس اینڈ ٹیکنالوجی پارک بنانے کا بنیادی مقصد نجی اداروں کو مؤثر طریقے سے استعمال کرنا ہے تاکہ پاکستان کے تکنیکی شعبے میں پیداوار اور پائیدار ایجادات کرنے کی قابلیت پیدا ہو۔
انہوں نے کہا کہ اس سلسلے میں انہیں ٹیم دفترخوان کے ساتھ شراکت پر فخر ہے، دفترخوان ، پارک میں موجودی اینٹرپرائزز کے لئے نا صرف بہترین آفس سپیس کا تجربہ لا رہی ہے بلکہ پارک میں ایروسپیس، آئی ٹی اور سائبر ٹیکنالوجی سے منسلک کمیونٹی تیار کرنے میں بھی مدد کر رہی ہے۔
دفترخوان آج لاہور، اسلام آباد اور راولپنڈی میں 8 سائٹس رکھتی ہے جو کہ کل رقبے میں 1 لاکھ 70 ہزار سے زائد مربع فٹ پر مشتمل ہیں، ان 8 سائٹس میں 3000 سے زائد ممبران کی گنجائش ہے، یہ ممبران ٹیکنالوجی اور آئی ٹی سے لے کر صحت اور تعلیم تک 200 مختلف صنعتوں سے تعلق رکھتے ہیں، جن میں دراز،ٹن ٹاش، کریم ، اسٹارز پلے اور ریڈ بل قابل ذکر ہیں، اسی طرح کئی مقامات اور بین الاقوامی صنعتوں نے آفس سپیس کے لیے دفترخوان کا انتخاب کیا ہے جو کہ کاروباری جدت اور پائیداری کا ثبوت ہے۔
دفترخوان کے سی ای او اور شریک بانی سعد ادریس نے کہا کہ نیشتل ایرو سپیس اینڈ ٹیکنالوجی پارک پاکستان کے ٹیکنالوجی کے شعبے کو فروغ دینے والا ملک کا سب سے جدید سرکاری ادارہ ہے۔
ان کا مزید کہنا تھا کہ عالمی سطح پر سرکاری اور نجی شعبوں کے درمیان تعاون سے کچھ جدید ترین ٹیکنالوجی کی پیشرفت ہوئی ہے، نیشنل ایروسپیس اینڈ ٹیکنالوجی پارک کے ساتھ دفتر خوان کو پاکستان کی ہارڈ ویئر اور سافٹ ویئر کی صنعتوں کو نئے سرے سے بنانے میں مدد کرنے کا موقع حاصل ہے اور وہ اس تاریخی اقدام کو یقینی بنانے کے لئے پرجوش ہیں۔
پچھلے سال کے شروع میں دفترخوان نے ایمرجنگ مارکیٹ پراپرٹی گروپ (ای ایم پی جی) کی مدد سے سرمایہ کاری حاصل کی، ای ایم پی جی ایک ٹیک انٹرپرائز ہے جو خطے میں کلاسیفائیڈ انڈسٹری میں اپنی مثال آپ ہے، پاکستان میں زمین ڈاٹ کام، او ایل ایکس اور زمین ڈویلپمنٹس، ای ایم پی جی کی ملکیت ہیں۔