لاہور: (ویب ڈیسک) سیاسی کشیدگی کے باعث ضلعی انتظامیہ اور روٹی نان بائی ایسوسی ایشن میں ڈیڈ لاک برقرار، تاحال روٹی کی قیمت پر فیصلہ نہ سکا۔
لاہور کے تندوروں پر روٹی کی قیمت میں ازخود 2 روپے کا اضافہ کر دیا گیا، 14 کے بجائے 16 روپے میں فی روٹی فروخت ہونے لگی، متعدد تندورں پر روٹی 18 روپے میں فروخت ہو رہی ہے، ضلعی انتظامیہ نے روٹی کی قیمتوں میں تاحال اضافہ کا نوٹیفکیشن جاری نہیں کیا ہے۔
نان بائی ایسوسی ایشن نے ازخود روٹی مہنگی کر کے انتظامیہ کی رٹ چیلنج کر دی، 2 روپے اضافے کے ساتھ فروخت کرنے لگے۔
صدر نان بائی ایسوسی ایشن آفتاب گل نے کہا کہ آٹا ،میدہ ،بجلی، گیس مہنگی ہونے سے اضافی بوجھ برداشت نہیں ہو رہا، ملازمین کی تنخواہیں پوری نہیں ہوتیں، اگر انتظامیہ نے کریک ڈاون کیا تو تندوروں کو تالے لگا کر احتجاج کا راستہ لیں گے۔
دوسری جانب ڈپٹی کمشنر لاہور محمد علی نے کہنا ہے کہ تندور مالکان خود ساختہ روٹی اور نان مہنگا کریں گے تو سخت کریک ڈاؤن کیا جائے گا۔
واضح رہے کہ سرکاری نوٹیفکیشن کے مطابق اڑھائی ماہ قبل روٹی 12 روپے سے 14 کی گئی، اڑھائی ماہ میں فی روٹی کی قیمت میں اب ازخود 4 روپے اضافہ ہوا ہے۔
لاہور کے تندوروں پر روٹی کی قیمت میں ازخود 2 روپے کا اضافہ
