پی ٹی آئی کا دور حکومت معاشی بدحالی، ہمارا ایک سال کامیابی کا سال ہے، مریم اورنگزیب

اسلام آباد: (ویب ڈیسک) وفاقی وزیر اطلاعات و نشریات مریم اورنگزیب نے پی ٹی آئی کے 18 اگست 2018 تا 9 اپریل 2022 کے عرصہ کو معاشی بدحالی کا دور اور موجودہ حکومت کے ایک سال کو کامیابیوں کا سال قرار دے دیا۔
وفاقی وزیر اطلاعات و نشریات نے سماجی رابطے کی ویب سائٹ ٹوئٹر پر اپنے پیغام کے ذریعے سابق حکومت کے ساڑھے 3 سال اور موجودہ حکومت کے ایک سال کا تقابلی جائزہ پیش کیا۔
اپنے پیغام میں انہوں نے بتایا کہ پی ٹی آئی کے 18 اگست 2018 تا 9 اپریل 2022 کے عرصہ میں چینی سکینڈل، آٹا 35 روپے سے 100 روپے، مہنگی قیمت پر ایل این جی خریداری، انرجی ٹرمینل کی بندش، بجلی کے منصوبوں پر ترقیاتی کام بند، سی پیک پراجیکٹ بند، 6.10 جی ڈی پی سے منفی اعشاریے، 2 کروڑ لوگوں کو غربت کی نچلی لکیر پر دھکیلنا اور 60 لاکھ افراد کو بے روزگار کیا گیا یہ دور بدحالی کا دور تھا۔
مریم اورنگزیب نے کہا کہ وزیراعظم شہباز شریف کی قیادت میں اتحادی حکومت کے 10 اپریل 2022 سے شروع ہونے والے سفر کو ایک سال مکمل ہوچکا ہے، اس دوران اورنج ٹرین، یوٹیلیٹی سٹور پیکیج، روات فلائی اوور، پاور پراجیکٹس، عوام دوست بجٹ، پی ایم فلڈ ریلیف پروگرام، بی آئی ایس پی کی بحالی شامل ہے۔
ہمارے دورے حکومت میں کے ایک سال میں فاٹا میں کامیابی، کسان پیکیج، سود سے پاک نظام، سی پیک کی بحالی،عالمی برادری سے سیلاب متاثرین کے لئے 9 ارب ڈالر کی امداد، برادر ملک ترکیہ کے زلزلہ متاثرین کے لئے امداد کی فراہمی، وزیراعظم مفت آٹا، بی آئی ایس پی بجٹ میں 40 ارب کا اضافہ بھی شامل ہے۔
موجودہ دور حکومت کے ایک سال میں لیپ ٹاپ سکیم کا آغاز نو، پرائم منسٹر یوتھ پروگرام، پرائم منسٹر ٹیلنٹ ہنٹر سپورٹس لیگ کا آغاز، آبپارہ فلائی اوور کی تعمیر، توانائی کے 3 منصوبوں سے 1800 میگا واٹ اضافی پیداوار، تارکول تھرکول پاور پلانٹ منصوبہ، پرائم منسٹر بااختیار انٹرشپ پروگرام، ٹیلی سکول ڈیجیٹل تعلیم پروگرام، نیشنل ایکشن پلان کی بحالی اور عدالتی اصلاحات کیں ہیں۔