متحدہ عرب امارات میں جنوری 2024 کے لئے پیٹرول اور ڈیزل کی قیمتوں کا اعلان کردیا گیا ہے۔ رون 95 جو پاکستان میں ملنے والا اعلی معیار کا پیٹرول ہے امارات میں 2.71 درہم میں دستیاب ہے جو پاکستانی کرنسی میں 206 روپے بنتے ہیں۔
متحدہ عرب امارات کی فیول پرائس کمیٹی نے جنوری 2024 کے مہینے کے لئے پیٹرول اور ڈیزل کی قیمتوں کا اعلان کیا ہے۔ جس کے مطابق امارات میں پیٹرول ڈیزل کی قیمت میں نمایاں کمی کردی گئی ہے۔
نئی قیمتوں کا اطلاق یکم جنوری 2024 سے ہوگا۔ سپر 98 پیٹرول کی قیمت 2.96 درہم کے مقابلے میں 2.82 درہم فی لیٹر کردی گئی۔
خصوصی 95 پیٹرول کی قیمت 2.71 درہم فی لیٹر ہوگئی جو گزشتہ ماہ 2.85 درہم تھی۔
ای پلس 91 پیٹرول کی قیمت جنوری 2024 کیلئے 2.64 درہم فی لیٹر کردی گئی جو دسمبر میں 2.77 درہم فی لیٹر تھی۔
ڈیزل کی قیمت دسمبر میں 3.19 درہم تھی اسے کم کرکے 3 درہم فی لیٹر کردیا گیا۔
ذیل میں پورے سال کے دوران ایندھن کی مختلف اقسام میں قیمتیں پیش کی جارہی ہیں۔
