نیویارک: عالمی شہرت یافتہ امریکی گلوکارہ ٹیلر سوئفٹ نے امریکی صدارتی انتخابات میں ڈیموکریٹ کی امیدوار کملا ہیرس کی حمایت کا اعلان کیا ہے۔
ٹیلر سوئفٹ نے سوشل میڈیا سائٹ انسٹاگرام پر اپنی بلی کے ہمراہ اپنی تصویر پوسٹ کرتے ہوئے اعلان کیا کہ وہ سال 2024 کے صدارتی انتخابات میں کملا ہیرس اور ٹم والز کو اپنا ووٹ دیں گی۔
گلوکارہ نے کملا ہیرس کو ووٹ دینے کی وجہ بیان کرتے ہوئے کہا کہ کملا ہیرس حقوق کے لیے لڑتی ہیں اور ہمیں اُن جیسی جنگجو خاتون کی ہی ضرورت ہے۔
ٹیلر سوئفٹ نے مداحوں سے مخاطب ہوتے ہوئے کہا کہ اُنہوں نے اپنی تحقیق مکمل کرکے کملا ہیرس اور ٹم والز کو ووٹ دینے کا فیصلہ کیا ہے، اب آپ اپنی تحقیق کرکے اپنا فیصلہ خود کریں۔
گلوکارہ نے مداحوں پر زور دیا کہ وہ اپنا ووٹ رجسٹرد کروائیں تاکہ وہ آسانی سے اپنا ووٹ کاسٹ کرسکیں۔
اُنہوں نے ٹم والز کو نائب صدر کے عہدے کے لیے امیدوار منتخب کرنے پر کملا ہیرس کی تعریف بھی کی۔
