پاکستانی اسٹار بہنوں کی جوڑی عروہ حسین اور ماورا حسین کی اپنے والدین کے ساتھ شیئر کی گئیں تصاویر مداحوں سے تعریف کے ٹوکڑے سمیٹنے میں کامیاب ہوگئیں۔
عروہ اور ماورا کا شمار پاکستانی شوبز انڈسٹری کی ان اداکاراؤں کی فہرست میں ہوتا ہے جو بہنیں ہیں اور دونوں ہی اداکاری کے معاملے میں سپر ہٹ ہیں۔
عروہ اور ماورا نے اپنے کریئر کا آغاز بطور وی جے کیا لیکن انہیں شہرت کی منازل پہ پہنچانے والی ان کی فن اداکاری بنی۔
عروہ حسین کے مشہور ڈراموں میں ‘اڈاری’ ، ‘میری شہزادی’ ، ‘میرے اجنبی’ ، ‘نیلی زندہ ہے’ ، ‘مشک’ اور دیگر شامل ہیں جبکہ ماورہ حسین کے مقبول ڈراموں میں ‘داسی’ ، ‘سمی’ ، ‘ثبات’ ، ‘نیم’ ، ‘جفا’ اور ‘نوروز’ سر فہرست ہیں۔
دونوں بہنیں ایک دوسرے کی سکھ دکھ کی ساتھی ہیں اور ایک ساتھ تصاویر اکثر سوشل میڈیا کی زینت بناتی رہتی ہیں۔
حال ہی میں ماورا حسین نے فوٹو اینڈ ویڈیو شیئرنگ ایپ انسٹاگرام پر ایک پوسٹ شیئر کی جس میں نہ صرف عروہ حسین ان کے ساتھ ہیں بلکہ انکے والدین کو بھی ساتھ کھڑے دیکھا جاسکتا ہے۔
عروہ اور ماورا طویل عرصے کے بعد اپنے والدین کے ساتھ یادگار لمحات گزارتی نظر آئیں اور اس موقع پر دونوں ہی ٹریڈیشنل ملبوسات پہنی ہوئی تھیں۔
عروہ حسین پرنٹڈ پشواس پہنی نظر آئیں جبکہ ماورا حسین نے ہلکی سبز چھوٹی قمیص کے ساتھ سلک کی میچنگ شلوار اور ٹشو کا دوپٹہ پہنا۔
پوسٹ کے کیپشن میں ماورا حسین نے اس یادگار دن کے بارے میں لکھا کہ ‘بہت خوشگوار دن تھا یہ، الحمد اللہ’۔
