ناگپور: پولیس نے ‘لٹیری دلہن’ کو گرفتار کر لیا ہے جو شادی شدہ مردوں کو محبت کے جال میں پھنسانے کے بعد ان سے لاکھوں روپے وصول کرتی تھی۔ وہ اب تک آٹھ شادیاں کر چکی ہے۔
پولیس کو شکایت موصول ہوئی تھی کہ ملزمہ مردوں پر ذہنی اور جسمانی تشدد کا الزام لگا کر رقم وصول کر رہی ہے۔ اسی بنیاد پر ناگپور پولیس نے اس ‘لٹیری دلہن’ کو گرفتار کر لیا ہے۔
یہی نہیں یہ خاتون اعلیٰ تعلیم یافتہ ہونے کے ساتھ ساتھ ایک ٹیچر بھی ہیں۔ وہ سوشل میڈیا کے ذریعے لوگوں کو محبت کے جال میں پھنساتی تھی اور پھر ان سے شادی کر لیتی تھی۔ یہ اس کے دھوکہ دینے کا طریقہ تھا۔ اس بارے میں غلام پٹھان نام کے شخص کی شکایت پر مقدمہ درج کیا گیا۔ پولیس کی طرف سے دی گئی جانکاری کے مطابق ملزمہ ڈیڑھ سال سے مفرور چل رہی تھی مگر اب اسے گرفتار کر لیا گیا ہے۔
پولیس کے مطابق ملزمہ سوشل میڈیا کے ذریعے شادی شدہ مردوں کو محبت کے جال میں پھنساتی تھی۔ اس کے بعد وہ ان سے شادی کرتی اور جعلی نکاح نامہ دکھا کر دھوکہ دیتی تھی۔ وہ شادی شدہ مردوں کو فرضی نکاح کے ایک ماہ کے اندر جھوٹے الزامات میں پھنسانے کی دھمکی دینا شروع کر دیتی تھی۔
یہی نہیں، وہ خاتون عدالت میں مقدمہ درج کر کے تصفیہ کے نام پر بھاری رقوم بھی وصول کر رہی تھی۔ پولیس نے ڈیڑھ سال سے فرار خاتون کو اس وقت گرفتار کرلیا جب وہ سول لائنز میں واقع ایک دکان پر چائے پینے آئی۔
اس خاتون کا شکار بنے غلام پٹھان نے مارچ 2023 میں گٹی خانہ پولیس میں شکایت درج کرائی تھی۔ اس خاتون نے 2010 سے کئی شادی شدہ مردوں سے شادی کی اور شادی کے بعد وہ انہیں بلیک میل کر کے ٹھگنے کا کام کیا۔
وہ اپنے نئے شوہر سے زبردستی پیسے وصول کرتی تھی۔ غلام پٹھان نے الزام لگایا کہ اس نے اب تک آٹھ شادیاں کی ہیں۔ متاثرہ شخص نے بتایا کہ ملزمہ ایک سکول میں ٹیچر ہے۔ وہ سوشل میڈیا پر نئے لوگوں سے بات کرتی تھی اور سب کے سامنے خود کو طلاق شدہ بتاتی تھی۔ پھر وہ مردوں کو اپنی محبت کے جال میں پھنساتی تھی۔
وہ مسلمان مردوں کو اپنی محبت کے جال میں یہ کہہ کر پھنساتی تھی کہ "مجھے اپنا لو، میں تمہاری دوسری بیوی بن کر رہوں گی۔” اور پھر ان سے رقم کا مطالبہ کرتی تھی۔ وہ اب تک متاثرہ ‘شوہروں’ سے 50 لاکھ روپے ٹھگ چکی ہے۔ پٹھان کا کہنا ہے کہ ان کے پاس اس بات کا ثبوت ہے کہ انہوں نے 10 لاکھ روپے دیے تھے۔
