سونے اور چاندی کی قیمتوں میں آج بھی بڑا اضافہ ہوگیا۔
عالمی مارکیٹ میں سونا 45ڈالر اضافے کے ساتھ چار ہزار آٹھ سو سینتیس ڈالر فی اونس پر پہنچ گیا۔
عالمی مارکیٹ کااثرمقامی مارکیٹ پر بھی پڑاہے جہاں ایک تولہ سونا 4 ہزار 500 روپے مہنگا ہوگیاجس کے بعد ایک تولہ سونے کی نئی قیمت 5 لاکھ 6 ہزار 62 روپے ہوگئی۔
دس گرام سونا 3 ہزار 858 روپے مہنگاہونے کے بعد 4 لاکھ 33 ہزار 866 روپے کا ہوگیاہے۔
چاندی 118 روپے اضافے کے بعد 8 ہزار 562 روپے فی تولہ ہوگئی ۔
واضح رہے کہ گزشتہ روز فی تولہ سونے کی قیمت 3 ہزار 300 روپے کم ہو کر 5 لاکھ ایک ہزار 562 روپے ہوگئی تھی جبکہ 10 گرام سونے کی قیمت 2 ہزار 829 روپے کی کمی کے بعد 4 لاکھ 30 ہزار روپےکی سطح پر آگئی تھی۔
