ایران کے وزیر خارجہ عباس عراقچی نے کہا ہے کہ مناب اسکول حملے میں جاں بحق ہونے والے طلبہ ایرانی عوام کے لیے بہادری اور قربانی کی علامت بن چکے ہیں، اور ایران اس واقعے کو کبھی نہیں بھولے گا اور نہ معاف کرے گا۔
عراقچی نے تہران میں مناب اسکول کے حوالے سے منعقدہ پینٹنگ نمائش کے موقع پر گفتگو کرتے ہوئے کہا کہ نمائش میں بچوں کی بنائی گئی تصاویر انتہائی متاثر کن ہیں اور ہر تصویر اپنے اندر ایک پیغام رکھتی ہے۔ ان کے مطابق یہ فن پارے ایرانی شہریوں اور بچوں کو درپیش تکلیف کی عکاسی کرتے ہیں۔
ایرانی وزیر خارجہ نے کہا کہ مناب اسکول کے شہید طلبہ ایرانی قوم کے لیے ایک قومی علامت اور یادگار بن چکے ہیں۔ انہوں نے عزم ظاہر کیا کہ ایران اس واقعے کو اپنی یادداشت سے مٹنے نہیں دے گا اور اس معاملے کو آگے بھی اٹھاتا رہے گا۔
