سرگودھا کا تاریخی چرنالی سٹیشن عدم توجیحی کا شکار ٹرین کی سفری سہولیات ناپید مسافر پریشان

سرگودھا(کامران ملک) سرگودھا کا تاریخی ریلوے سٹیشن چرنالی حکومت کی عدم توجہی کے باعث غیرآباد ہو چکا’ لوگ ٹرین کی سفری سہولیات سے محروم ہوگئے’ نوٹس کون لے گا؟ تفصیلات کے مطابق سرگودھا کا تاریخی چرنالی سٹیشن جو کہ قیام پاکستان سے پہلے کا بنا ہوا ہے جو کہ کسی وقت میں آباد ہوتا تھا اور آس پاس کے درجنوں دیہات کے عوام کو سستی اور محفوظ سفری سہولتیں مہیا کرتا تھا ۔ہونا تو یہ چاہیے تھا کہ وقت گزرنے کے ساتھ ساتھ اس کی مزید تزئین و آرائش کی جاتی اور جدید ٹیکنالوجی کے اس دور کے مطابق مزید سفری سہولتوں میں اضافہ کیا جاتا’ لیکن اس کے برعکس چرنالی سٹیشن نہ صرف غیرآباد ہوتا گیا بلکہ یہ اس وقت ٹوٹ پھوٹ کا شکار ہے اور سوائے ساندل ایکسپریس کے یہاں پر کسی ٹرین کا سٹاپ نہیں ہے حالانکہ چرنالی سٹیشن کے آس پاس نہ صرف بڑی بڑی ہائوسنگ سوسائیٹیز بن چکی ہیں بلکہ کمرشل مارکیٹوں کا قیام بھی عمل میں آچکا ہے۔ اس کے ساتھ ساتھ آس پاس کے دیہاتوں کی آبادی بھی کئی گنا بڑھ چکی ہے۔ وزیراعظم پاکستان، چیئرمین ریلوے اور وزیر ریلوے کو چاہیے کہ اس طرف توجہ دیں تاکہ شہری سستی اور محفوظ سفری سہولتوں سے مستفید ہو سکیں۔