سود خوروں کے خلاف کریک ڈائون’69 ملزمان گرفتار

لاہور(کر ائم رپو رٹر)سود خوروں کے خلاف لاہور پولیس کی بلاامتیاز کارروائیاں جاری ہیں، حالیہ کریک ڈان کے دوران شہر کے مختلف علاقوں سے 69 ملزمان کو گرفتار کرلیا گیا جبکہ سود خوری میں ملوث عناصر کے خلاف مختلف تھانوں میں
78 مقدمات درج کیے گئے ہیں۔ترجمان لاہور پولیس کے مطابق اقبال ٹان ڈویعن سے 24، سٹی ڈویعن سے 21 جبکہ کینٹ ڈویعن سے 11 سود خور گرفتار کیے گئے ہیں۔ پولیس کی جانب سے شہریوں کا مالی استحصال کرنے والے سود خور عناصر کے خلاف کارروائیاں مزید تیز کردی گئی ہیں۔سی سی پی او لاہور بلال صدیق کمیانہ نے کہا ہے کہ سود خوری ایک معاشرتی ناسور ہے اور اس میں ملوث عناصر کسی رعایت کے مستحق نہیں۔ سود خور مافیا اور ان کے سہولت کاروں کے خلاف زیرو ٹالرنس پالیسی پر سختی سے عملدرآمد یقینی بنایا جائے گا۔انہوں نے سپروائزری افسران کو ہدایت کی کہ سود خوری سے متعلق شکایات پر فوری ایکشن لیتے ہوئے میرٹ پر تفتیش کو یقینی بنایا جائے۔ سی سی پی او لاہور کا کہنا تھا کہ کریک ڈان کا مقصد شہریوں کو مالی استحصال سے تحفظ فراہم کرنا اور قانون کی عملداری کو یقینی بنانا ہے۔