جنید اکبر کے بیان کے بعد گنجائش ختم ‘اب بالکل زیرو ٹالرنس ہوگی: طارق فضل چودھری

اسلام آباد (آئی این پی)وفاقی وزیر طارق فضل چوہدری نے کہا ہے کہ جنید اکبر کے بیان کے بعد گنجائش ختم ہوگئی ہے اب بالکل زیرو ٹالرنس ہوگی۔ ایک ٹی وی چینل کے پروگرام میں بات کرتے ہوئے وفاقی وزیر نے کہا کہ جنید اکبر کے بیان سے ظاہر ہوگیا کہ یہ اسلام آباد پر یلغار تباہی مچانے کے لیے کر رہے ہیں۔انہوں نے کہا کہ اگر تحریک انصاف کو روکنے کے لیے جو تھوڑی بہت گنجائش دی جاسکتی تھی وہ اب ختم ہوگئی ہے، اب بالکل زیرو ٹالرنس ہوگی۔طارق فضل چوہدری نے کہا کہ عدالتی فیصلہ نہ بھی آتا تب بھی اسلام آباد کو جھتے کے حوالے نہیں کیا جاسکتا، گرفتاریوں کی تعداد اتنی زیادہ نہیں جتنی پی ٹی آئی بتارہی ہے۔