واشنگٹن’ ملتان (این این آئی’ مانیٹرنگ ڈیسک) پٹرولیم ڈویژن کی جانب سے جاری اعلامیے کے مطابق پٹرول کی قیمت میں 4 روپے 61 پیسے فی لٹر اضافہ کردیا گیا جس کے بعد پٹرول کی نئی قیمت 393 روپے 75 پیسے فی لٹر ہوگئی۔ ڈیزل کی قیمت میں 1 روپے 96 پیسے فی لٹر کمی کردی گئی جس کے بعد ڈیزل کی نئی قیمت 422 روپے 8 پیسے فی لٹرہوگئی ہے۔پٹرولیم ڈویژن کے مطابق پٹرول اور ڈیزل کی نئی قیمتیں 23ستمبر کیلئے ہوں گی۔عالمی منڈی میں خام تیل کی قیمتیں مسلسل چوتھے روز کم ہوگئیں ‘برینٹ خام تیل کی قیمت 3.4 فیصد کمی کے بعد 100.34 ڈالر فی بیرل جبکہ امریکی خام تیل ڈبلیو ٹی آئی 4.5 فیصد کمی کے بعد 95.78 ڈالر فی بیرل پر بند ہوا۔دونوں کی قیمتیں 8 ستمبر کے بعد کم ترین سطح پر آگئیں۔ دوسری جانب امریکا میں ایندھن کی قیمتیں اب بھی بلند ہیں۔
پٹرولیم قیمتیں
