گوجرانوالہ،وزیرآباد،بھائی پھیرو(ڈویژنل بیورو رپورٹ،ڈسٹرکٹ رپورٹر،نمائندہ خبریں)گوجرانوالہ کے
مختلف علاقوں میں 3 پولیس مقابلے، 1 جنسی درندہ ہلاک، 2 ملزمان زخمی حالت میں گرفتار۔سی پی او ڈاکٹر سردار غیاث گل خان کا فوری نوٹس، ایس پی صدر سے رپورٹ طلب کر لی ہے۔پولیس ترجمان رانا عرفان کے مطابق تھانہ سوہدرہ پولیس مقابلہ؛ 6 سالہ کمسن بچی سے جنسی زیادتی کے مقدمہ میں ملوث ملزم جنید اپنے نامعلوم ساتھیوں کے ہمراہ پولیس پر فائرنگ کر کے فرار ہونے کی کوشش میں اپنے ہی ساتھیوں کی فائرنگ سے ہلاک، قبضہ سے ناجائز اسلحہ برآمد کر لیا گیا جبکہ ہلاک ملزم کو پوٹینسی ٹیسٹ سے واپسی پر 2 کس نامعلوم ساتھیوں نے پولیس پر فائرنگ کر کے حراست سے فرار کروایا تھا، ملزم کمسن بچیوں سے جنسی زیادتی کے مقدمات میں ملوث عادی مجرم، پہلے بھی جیل جا چکا تھا۔تھانہ نوشہرہ ورکاں پولیس کی کارروائی کے دوران منشیات فروشی میں ملوث ملزم شہباز عرف تنویر پولیس ناکے سے فرار ہونے کی کوشش کے دوران زخمی حالت میں گرفتارکرلیا گیا۔تھانہ اروپ پولیس کارروائی؛ چوری اور موٹر سائیکل چوری کے مقدمات میں ریکارڈ یافتہ ملزم حمزہ پولیس ناکہ سے فرار ہونے کی کوشش میں زخمی حالت میں گرفتار، قبضہ سے ناجائز اسلحہ اور چوری شدہ موٹر سائیکل برآمد۔جبکہ فرار ملزمان کی گرفتاری کے لیے ایس ڈی پی او وزیرآباد کی زیر نگرانی خصوصی پولیس ٹیمیں تشکیل، شہر بھر میں ناکہ بندی جاری۔دریں اثناء سی سی ڈی قصور کی خطرناک ڈاکووں کے خلاف دوسرے روز بھی زور شور سے جاری۔ساٹھ سے زاید سنگین ڈکیتیوں کے مقدمہ میں ملوث تین خطرناک ڈاکو اپنے ہی ساتھیوں کی فائرنگ سے ہلاک ہوگئے۔سی سی ڈی پولیس کو اطلاع ملی کہ جمبر کلاں کے نزدیک روہی نالہ پر چند ڈاکو راہگیروں کو لوٹ رہے ،جس پر فوری کاروائی کرتے ہوئے سی سی ڈی پولیس کے انچارج عاطف نزیر نفری لیکر موقع پر پہنچ گئے۔ڈاکووں کے اپنے ہی ساتھی کی فائرنگ سے ایک ڈاکو شدید زخمی ہو کر گر پڑا جو تھوڑی دیر بعد جاں بحق ہو گیا۔شناخت پر ڈاکو کی شناخت واجد ولد یعقوب سکنہ لمبے جاگیر کے نام سے ہو ئی جو ساٹھ سے زاہد ڈکیتی کی سنگین وارداتوں میں ملوث نکلا۔ سی سی ڈی پولیس کے انچارج عاطف نزیر نفری لیکر ہیڈ بلوکی روڈ پر پہنچے تو چار مسلح ڈاکووں نے پولیس پر سیدھی فائرنگ شروع کر دی ۔فائرنگ کے تبادلے کے دوران دو ملزمان اپنے ہی ساتھیوں کی فائرنگ سے ہلاک ہوگئے، شناخت توقیر اور شریف عرف جگا کے نام سے بتائی ہوئی۔
