چاہ میراں:مکھن پورہ روڈ پر گٹروں کے ڈھکن غائب ہونے سے شہریوں کی مشکلات بڑھ گئیں

لاہور (سٹی رپورٹر) لاہور کے علاقے چاہ میراں میں مکھن پورہ روڈ پر گٹروں کے ڈھکن غائب ہونے سے شہریوں کی مشکلات بڑھ گئیں ، کھلے گٹر کسی بھی وقت بڑے حادثے کا سبب بن سکتے ہیں۔ مکھن پورہ روڈ پر متعدد گٹر عرصہ دراز سے بغیر ڈھکن کے کھلے پڑے ہیں جس کے باعث راہگیروں اور علاقہ مکینوں کو آمدورفت میں مشکلات کا سامنا ہے۔کھلے گٹر خصوصا رات کے وقت شہریوں کے لیے خطرہ بنے ہوئے ہیں جبکہ متعلقہ ادارہ تاحال ان پر ڈھکن لگانے میں ناکام دکھائی دیتا ہے۔ علاقہ مکینوں نے متعلقہ حکام سے مطالبہ کیا ہے کہ مکھن پورہ روڈ چاہ میراں میں کھلے گٹروں کا فوری نوٹس لیا جائے اور تمام گٹروں پر ڈھکن نصب کیے جائیں تاکہ کسی ممکنہ حادثے سے بچا جاسکے۔