لاہور(حسنین اخلاق)”لائی بے قدراں نال یاری،
ٹٹ گئی تڑک کرکے“ذرائع نے بتایا ہے کہ مشکلات میں گھرے شریف خاندان نے بالاخر سعودی بادشاہ سے قطع تعلق کرلیاہے دونوں اطراف سے تعلقات میںسرد مہری تو طویل عرصے سے جاری تھی جس کی وجہ سے میاں نواز شریف اس بار رمضان میں سعودیہ عرب بھی نہیں گئے۔شریف خاندان نے اپنے ہمدردوں کے ذریعے سعودی فرمانروا خاندان کو پیغام بھیجوایا ہے کہ ماضی میں قطر یا سعودیہ عرب میں انتخاب کا آپشن خود سعودی قیادت نے بیان کیا جو کہ نہایت افسوسناک عمل تھا اب چونکہ یہ موقعہ خود فراہم کیا گیا ہے اس لیے شریف فیملی قطری شاہی خاندان کا انتخاب کررہی ہے۔ذرائع نے دعویٰ کیا ہے شریف خاندان کی جانب سے پیغام لے جانے والے دوست اب تک یہ نیا بیانیہ آگے بیان کرنے سے ہچکچا رہے ہیں کہ کہیں سعودیہ عرب ان سے بھی تعلقات پر ازسر نو غور شروع نہ کردے۔دوسری جانب شریف فیملی کی طرف سے بڑا واضع پیغام دیا گیا ہے کہ اب سعودی شاہی خاندان اگر ن لیگ کی حکومت آتی ہے تو سعودیہ عرب کے حوالے سے پاکستان کی نئی خارجہ پالیسی کے لیے تیار رہے جو کہ صرف ایک ملک کی بجائے دوستی سب کے سلوگن پر ہوگی اور اس حوالے سے شام اور یمن پر سعودی پالیسی کی بجائے ترک پالیسی کا ساتھ دیا جائے گا یاد رہے کہ ترکی شام اور یمن میں سعودیہ عرب کی مداخلت کا شدید مخالف ہے۔
سعودی شاہی خاندان نے نواز شریف سے تعلق ختم کر دیا
