متحدہ عرب امارات نے 18 سال سے کم عمر بچوں کی ویزا فیس معاف کردی

دبئی(ویب ڈیسک)متحدہ عرب امارات نے سیاحت کو مزید فروغ دینے کے لیے 18 سال سے کم عمر بچوں کی ویزا فیس معاف کردی۔
متحدہ عرب امارات کی انتظامیہ نے موسم گرما سے بھرپور لطف لینے کے لیے خوش خبری کا اعلان کرتے ہوئے 18 سال سے کم عمر افراد کو ویزا فیس کی ادائیگی سے مستثنیٰ قرار دے دیا۔یو اے ای کی کابینہ نے گزشتہ روز اعلان کیا تھا کہ متحدہ عرب امارات میں سیاحت کی غرض سے ا?نے والے 18 سال سے کم عمر بچوں کی ویزا فیس معاف کردی گئی ہے یہ قانون ہر سال موسم گرما کے دوران 15 جولائی سے 15 ستمبر تک لاگا ہوگا، نیا قانون نہ صرف سیاحت پر ا?نے والے خاندانوں کے لیے کافی مددگار ثابت ہوگا بلکہ اس سے گھرانوں کی سیاحتی لاگت میں بھی کمی واقع ہوگی۔کابینہ کے اس فیصلے سے متحدہ عرب امارات کی عالمی سیاحت کے شعبہ میں حیثیت مزید نمایاں ہوگی اور یہ اقدام دنیا بھر کے لوگوں کو اپنی طرف متوجہ بھی کرے گا۔واضح رہے کہ متحدہ عرب امارات کے ایئرپورٹس کے ذریعے ہرسال کروڑوں لوگ دنیا بھر کا سفر کرتے ہیں۔ ایک اندازے کے مطابق رواں برس کے صرف پہلے چار ماہ کے دوران 3 کروڑ 28 لاکھ مسافروں نے یو اے ای کے ایئرپورٹس کا استعمال کیا۔ بہت سے مسافر یو اے ای کے ہوٹلوں، یہاں سیاحوں کو ملنے والی بہترین سہولیات اور سارا سال جاری مختلف فیسٹیول سے لطف اندوز ہوتے ہیں۔