شاہد کپور اور دپیکا بھی مادام تساﺅکی زینت بنیں گے

ممبئی (ویب ڈیسک)بالی وڈ اداکار شاہد کپور اور دپیکا پڈوکون کے مومی مجسمے بھی مادام تساﺅ کی زینت بنیں گے۔مادام تساﺅ میں کئی سپر اسٹارز کے مومی مجسمے رکھے گئے ہیں جس میں امیتابھ بچن، شاہ رخ خان، سلمان خان سمیت کئی معروف شخصیات شامل ہیں۔مادام تساﺅ انتظامیہ نے گزشتہ دنوں نوجوان اداکار ورون دھون کے بھی مومی مجسمے میوزیم کی زینت بنانے کا اعلان کیا تھا اور اب شاہد کپور اور دپیکا پڈوکون بھی مادام تساﺅ جائیں گے۔اداکارہ دپیکا پڈوکون اور شاہد کپور کے مومی مجسمے کے لیے ان کی پیمائش کی جاچکی ہے اور جلد ہی دونوں اداکاروں کے مومی مجسمے مادام تساﺅ میوزیم لندن اور دہلی کی زینت بنیں گے۔دپیکا پڈوکون نے سماجی رابطے کی ویب سائٹ ٹوئٹر پر مادام تساﺅ میوزیم انتظامیہ کی جانب سے پیمائش کی تصاویر شیئر کیں جب کہ شاہد کپور نے بھی انسٹاگرام پر اپنے مداحوں کو خوشخبری دی۔مادام تساﺅ انتظامیہ کی جانب سے دونوں کے مومی مجسمے میوزیم میں رکھے جانے کی حتمی تاریخوں کا اعلان جلد متوقع ہے۔یاد رہے کہ دونوں اداکاروں کی جوڑی نے ہدایت کار سنجے لیلا بھنسالی کی فلم ’پدماوت‘ میں میاں بیوی کا کردار کیا تھا جسے مداحوں نے بےحد پسند کیا تھا۔