اسلام آباد(وائس آف ایشیا) پیپلزپارٹی کے رہنما اور سابق صدر آصف علی زرداری کے وکیل لطیف کھوسہ کی آڈیو کلپ لیک ہو گئی جس میں انہوں نے کہا ہے کہ لگتا ہے آصف علی زرداری 31دسمبر کو گرفتار ہو جائیں گے کیونکہ جے آئی ٹی رپورٹ نے سب کچھ کھول کر رکھ دیا ہے۔ میڈیا کے سوال کرنے پر لطیف کھوسہ نے آڈیو کلپ کی تردید نہیں کی۔ جمعرات کے روز سابق گورنر پنجاب اور پیپلزپارٹی کے سینیئر مرکزی رہنما سردار لطیف کھوسہ کی ایک مبینہ آڈیو کلپ سوشل میڈیا پر وائرل ہو گئی ہے جس میں انہیں یہ کہتے سنا گیا ہے کہ31دسمبر کو سابق صدر آصف علی زرداری گرفتار ہو جائیں گے کیونکہ جے آئی ٹی نے سب کچھ کھول کر رکھ دیا اور16ریفرنسز دائر کرنے کی سفارش کی ہے۔ میڈیا نمائندوں نے لطیف کھوسہ سے آڈیو کلپ سے متعلق سوال کیا تو انہوں نے تردید نہیں کی تاہم یہ کہہ کر بات گول کر گئے کہ گرفتاری کی افواہیں تو24دسمبر کو بھی تھیں جس طرح24دسمبر گزر گیا31دسمبر بھی گزرجائے گا۔ پیپلزپارٹی کی قیادت تمام قانونی آپشنز استعمال کرے گی۔
31دسمبر زرداری کیلئے بھاری آڈیو ٹیپ سوشل میڈیا پر وائرل لطیف کھوسہ بھی کُھل کے سامنے آ گئے
