ہارٹ آف ایشیا کانفرنس — پاکستان کی مسلسل نا کام خارجہ پالیسی ابھر کر سامنے آئی

پاکستان تحریک انصاف کے وائس چیئرمین شاہ محمود قریشی کا کہنا ہے کہ ہارٹ آف ایشیا کانفرنس میں پاکستان کی ناکام خارجہ پالیسی ایک بار پھر ابھر کر سامنے آئی ہے۔ایک بیان میں شاہ محمود قریشی نے کہا ہے کہ بھارت میں منعقدہ ہارٹ آف ایشیا کانفرنس میں ایک بار پھر خارجہ امور کے افسران انتہائی اہم اجلاس میں پاکستان کا موقف سامنے لانے میں ناکام رہے۔ پاکستان پرعائد دہشتگردوں کو پناہ دینے کے جھوٹے الزام کا کمزور ترین دفاع اور اور مسئلہ کشمیر کی اہمیت کو اجاگر نہ کر پانا مسلسل ناکام خارجہ پالیسی کا مظہر ہے۔شاہ محمود قریشی نے مزید کہا ہے کہ ابھرتی ہوئی عالمی صورتحال کے برعکس پاکستان کی خارجہ پالیسی کثیر الجہتی حکمت عملی سے خالی ہے۔ خارجہ امور کی موجودہ صورتحال ایسی ہی رہی تو پاکستان علاقائی سطح پر اپنی ساکھ گنوا بیٹھے گا۔