عدالت نے وزیراعظم کو نوٹس جاری کردیا, لیگی حلقوں میں کھلبلی

لاہور (خبریں رپورٹر) لاہور ہائی کورٹ کے جسٹس ماموں الرشید نے وزیراعظم پاکستان میاں نوازشریف کی جانب سے سر کا خطاب استعمال کرنے کے خلاف دائر بیرسٹر جاوید اقبال کی پٹیشن پر سماعت 19 دسمبر تک ملتوی کر دی اور براہ راست وزیراعظم پاکستان کو نوٹس جاری کرتے ہوئے جواب طلب کر لیا ہے۔ عدالت نے جواب داخل نہ کروانے پر برہمی کا اظہار کرتے ہوئے قرار دیا کہ چاہئے کہ میاں نوازشریف آئندہ سماعت سے پہلے جواب داخل کروا دیں ایسا نہ ہو کہ عدالت کو اپنے آرڈر کی تعمیل کے لئے اشتہار دینا پڑا۔ جس کے اچھے اثرات مرتب نہیں ہوں گے۔ پٹیشن میں کہا گیا تھا کہ سینٹ آف پاکستان نے میاں نوازشریف کو سر کا خطاب دینے کی منطوری نہ دی نہ گزٹ نوٹیفکیشن جاری کیا گیا مگر اس کے باوجود میاں نوازشریف سر کا خطاب استعمال کر رہے ہیں اس پر پابندی لگائی جائے۔