اسلام آباد(ویب ڈیسک): پاکستان میں تقریباً 30 ارب ٹن کے ماربل ، گرینائٹ اور دیگر معدنیات کے قیمتی ذخائر پائے جاتے ہیں۔ لیکن اس کے باوجود پاکستان کی ماربل اور گرینائ ٹ کی صنعت بنیادی طور پر حکومت کی عدم دلچسپی اور مناسب توجہ نہ ہونے کی وجہ سے زبوں حالی کا شکار ہے۔اگر مناسب توجہ دی جائے اور مطلوبہ سہولیات فراہم کی جائیں تو اس شعبے میں سرمایہ کاری اور روزگار کی فراہمی کے وسیع مواقع ہیں۔مقرین نے ان خیالات کا اظہار پالیسی ادارہ برائے پائیدار ترقی (ایس ڈی پی ا?ئی) کے زیر اہتمام ’پاکستان میں ماربل اور گرینائٹ سیکٹر کے لئے ترجیحی اصلاحات‘ کے عنوان سے ایک راو¿نڈ ٹیبل سے کیا۔اس موقع پر پاکستان اسٹون ڈویلپمنٹ کمپنی (پاسڈیک) کی چیئرپرسن شماما ارباب نے کہا کہ خاطر خواہ برآمدی صلاحیت کو ملحوظِ خاطر رکھتے ہوئے ماربل اور گرینائٹ سیکٹر کی اہمیت کو نظرانداز نہیں کیا جاسکتا۔انہوں نے کہا کہ اگرچہ اس شعبے کو ٹیکس اور دیگر سہولیات فراہم کی جانی چاہیں ، تاہم اس صنعت کو بین الاقوامی حفاظتی معیار کو اپناتے ہوئے اپنے مزدوروں کی حفاظت کا بھی خیال رکھنا چاہئے۔جوائنٹ ایگز یکیٹو ڈائریکٹر ، ایس ڈی پی آئی، ڈاکٹر وقار احمد نے کہا کہ پا کستان میں جدید ٹکنالوجی کی سہولیات کی عدم فراہمی کی وجہ سے معدنی ذخائر نہیں نکا لے جا سکے جس کے باعث ماربل اور گرینائ ٹ سیکٹرز خاطر خواہ فروغ نہ پا سکے۔
