دبئی (ویب ڈیسک) انٹرنیشنل کرکٹ کونسل (آئی سی سی) نے سال 2016 کے لیے کرکٹ ایوارڈز کا اعلان کر دیا، جس میں مصباح الحق کو آئی سی سی اسپرٹ آف کرکٹ ایوارڈ دیا گیا۔خیال رہے کہ مصباح الحق پاکستان کی ٹیسٹ کرکٹ ٹیم کے کپتان ہیں جبکہ ان کی قیادت میں ہی رواں برس ٹیم نے نمبر ون ہونے کا اعزاز حاصل کیا۔اسپرٹ آف کرکٹ ایوارڈ ہر سال کھیل میں بہترین کارکردگی کے ساتھ مخالف ٹیم کے ساتھ بہترین برتاو¿، اپنی ٹیم میں اچھا کردار، منصفین کے ساتھ رویہ اور کھیل کے روایتی اقدار کو برقرار رکھنے پر دیا جاتا ہے۔2015 میں اسپرٹ آف کرکٹ کا ایوار نیوزی لینڈ کے بریند مکلم کو دیا گیا تھا۔مصباح الحق پہلے پاکستانی ہیں جنہوں نے یہ ایوارڈ حاصل کیا ہے۔ایوارڈ حاصل کرنے کے بعد مصباح الحق کا کہنا تھا کہ بطور ٹیم ہماری کھیل کے حوالے سے مثبت روایات اور سوچ کی ایک طویل تاریخ ہے۔ آئی سی سی کی جانب سے ایمپائر آف دی ائیر ماریس ایرسموس کو قرار دیا گیا۔اریس ایرسموس کا تعلق جنوبی افریقہ سے ہے جبکہ 52 سالہ ایمپائر فرسٹ کلاس کرکٹر بھی رہ چکے ہیں۔گزشتہ تین سال سے ایمپائر آف دی ائر کا ایوارڈ انگلینڈ کے 43 سالہ رچرڈ ایلن کو ملتا رہا ہے۔2012 میں یہ ایوارڈ سری لنکا کے ایمپائر کمار دھرما سینا کے نام ہوا تھا جبکہ 2009، 2010 اور 2011 میں پاکستان کے علیم ڈار ایمپائر آف دی ایئر قرار دیئے جاتے رہے ہیں۔
