وزیراعظم کے معاون خصوصی عثمان ڈار نے کہا ہے کہ ٹائیگر فورس کے نوجوان بغیر کسی تنخواہ کے ذمہ داری ادا کر رہے ہیں۔
تفصیلات کے مطابق وزیراعظم کے معاون خصوصی عثمان ڈار نے تقریب سے خطاب کرتے ہوئے کہا ہے کہ آج دس لاکھ سے زائد نوجوان ٹائیگر فورس میں شامل ہو چکے ہیں۔
عثمان ڈار نے کہا ہے کہ ٹائیگر فورس کے ان نوجوانوں کو جو ذمہ داری دی گئی ہے وہ ایمانداری سے ادا کی گئی ہے اسی لئے ٹائیگر فورس کے نوجوان ہمارے قومی ہیروز ہیں۔
معاون خصوصی نے کہا ہے کہ اپوزیشن کان کھول کر سن لے ٹائیگر فورس ایک نظریہ کا نام ہے، ٹائیگر فورس کے نوجوان قومی فریضہ ادا کرتے ہیں تم جیسے بے شرموں کی طرح رات گئے تنظیم سازی نہیں کرتے۔
انہوں نے کہا ہے کہ ٹائیگر فورس کے نوجوان بغیر کسی تنخواہ کے ذمہ داری ادا کر رہے ہیں، تمھارے لیڈرز کی طرح ٹائیگر فورس آدگی رات کو تنظیم سازی نہیں کرتی ہے۔
