راولپنڈی: جنوبی وزیرستان کے علاقہ نرگوسا میں سیکورٹی فورسز نےخفیہ اطلاعات پر آپریشن کیا جس میں شدید فائرنگ کے تبادلے میں دو دہشت گرد ہلاک ہو گئے۔
پاک فوج کے شعبہ تعلقات عامہ آئی ایس پی آر کے مطابق سیکیورٹی فورسز نے شمالی وزیرستان کے علاقے نرگوسا میں خفیہ اطلاع پر آپریشن کیا اور سیکیورٹی فورسز سے شدید فائرنگ کے تبادلے میں دو دہشت گرد ہلاک ہو گئے،ہلاک ہونے والے دہشت گردوں میں عثمان علی اور وحید لشتئی شامل ہیں۔
آئی ایس پی آر نے مزید کہا کہ سیکیورٹی فورسز سے شدید فائرنگ کے تبادلے میں ایک دہشت گرد زخمی بھی ہواجسے گرفتار کرلیا گیا ہے۔
آئی ایس پی آر نے مزید کہا کہ مارے گئے دہشت گرد تحریک طالبان سجنا گروپ کے سرگرم رکن تھے اور مارے گئے دونوں دہشت گردآئی ای ڈیز بنانے کے ماہر تھے۔
آئی ایس پی آر نے مزید کہا کہ دہشت گرد عثمان کا تعلق جنوبی وزیرستان کے علاقہ محسود آباد سے ہے، عثمان تحریک طالبان سجنا گروپ کا سرگرم رکن تھا۔عثمان 2016، 2019 اور 2020 میں سیکورٹی فورسز پر آئی ای ڈی حملوں میں ملوث تھا،عثمان سیکورٹی چیک پوسٹس پر حملوں میں بھی ملؤث تھا۔
آئی ایس پی آر نے مزید کہا کہ دوسرا دہشت گرد لاشتائی کا تعلق بھی جنوبی وزیرستان کے ہی علاقہ مندیتا سے تھا،لاشتائی ٹی ٹی پی کا سرگرم رکن اور آئی ای سی بنانے کا ماہر تھا،لاشتائی دہشت گرد ٹرینر اور موویٹر ہونے کے ساتھ ساتھ 2008، 2011 اور 2017 میں سیکورٹی فورسز پر حملوں میں ملوث تھا،دہشت گردوں کی ہلاکت اور دہشت گردی کے آپریشن کی علاقہ مکینوں کی جانب سے بھرپور حمایت کی گئی۔
