بوگاٹی کا پہلی الیکٹرک وہیکل لانچ کرنے کا فیصلہ

لاہور: (ویب ڈیسک) لگژری گاڑیاں بنانے والی مشہور کارساز کمپنی بوگاٹی نے اٹھارہ میل فی گھنٹہ کی رفتار سے چلنے والی الیکٹرک اسکوٹر تیار کرنے کا اعلان کیا ہے۔
ٹیسلا کی حریف سمجھی جانے والی فرنچ کمپنی بوگاٹی کا پہلی الیکٹرک وہیکل لانچ کرنے کا فیصلہ کیا ہے، نئے آنے والی کوئی تیز رفتار لگژری الیکٹرک کار نہیں یہ ایک الیکٹرک اسکوٹر ہے۔
جو 29 کلومیٹر فی گھنٹہ کی رفتار سے چلے گی، بوگاٹی یہ الیکٹرک اسکوٹر ایک امریکی کمپنی کے اشتراک سے تیار کر ے گی، کمپنی نے دعوی کیا ہے کہ الیکٹرک اسکوٹر ماحول دوست ہو گا۔
جس میں 700 واٹ کی الیکٹرک موٹر نصب ہو گی، رواں برس یہ امید کی جارہی تھی کہ ٹیسلا کے مقابلے میں بوگاٹی اپنی لگژری الیکٹرک کار متعارف کروائی گی، تاہم بوگاٹی نے ای اسکوٹر بنانے کا اعلان کر کے سب کو حیران کر دیا ہے۔