کراچی: (ویب ڈیسک) ملک میں جاری سیاسی ہلچل کے باعث روپیہ مسلسل دباو کا شکار ہے، ایک ماہ کے دوران ڈالر کی قیمت میں 10 روپے سے زائد کا اضافہ ریکارڈ کیا گیا۔
قرض و سود کی ادائیگیوں، آئی ایم ایف پروگرام میں تعطل، بڑھتی ہوئی تجارتی اور ملک میں جاری سیاسی ہلچل کے سبب روپیہ دن بدن اپنی قدر کھو رہا ہے، دوسری جانب ڈالر کے ریٹ مسلسل بڑھ رہے ہیں، صرف ایک ماہ کے دوران ڈالرکی قیمت 10 روپے سے زائد بڑھ گئی۔
ماہرین کے مطابق ڈالر مہنگا ہونے سے درآمدی اشیاء جن میں خوردنی تیل، دالیں، خشک دودھ، پیٹرول، ڈیزل، برقی آلات، موٹرسائیکلیں، گاڑیاں اور ان کے پارٹس وغیرہ سب کے دام مزید بڑھ جائیں گے۔
