کراچی: (ویب ڈیسک) اداکار جنید خان کا کہنا ہے کہ انہیں سیاست میں کوئی دلچسپی نہیں ہے،جنید خان نے ٹوئٹرپرپاکستان میں موجودہ سیاسی گرما گرمی پر اپنے خیالات کا اظہار کیا ہے۔
ادکار جنید خان نے اپنے ٹوئٹ میں لکھا کہ کسی ایک سیاستدان کی غلطی کی نشاندہی کرنے کا یہ مطلب نہیں کہ میں اس کی مخالفت کے حق میں ہوں۔
انہوں نے اپنے موقف پر وضاحت دیتے ہوئے لکھا کہ میں کسی کے حق میں نہیں ہوں اور مجھے سیاست سے کوئی دلچسپی نہیں ہے، ترقی حقیقت میں انفرادی ترقی سے شروع ہوتی ہے۔
جنید خان نے مزید لکھا کہ ہمیں انفرادی طور پر اپنے متعلقہ شعبوں میں بہترین کارکردگی کا مظاہرہ کرنا چاہیے، سخت محنت سے سبقت حاصل کرنی چاہیے،اور آس پاس دوسرے لوگوں کی حوصلہ افزائی کرنی چاہیے۔
اداکار نے اپنی بات مکمل کرتے ہوئے لکھا کہ اگر آپ سیاستدانوں پر یقین رکھیں گے تو یہ ملک ترقی نہیں کرے گا۔
