‘مس مارول’ میں فواد خان کا کیا کردار؟ پہلی جھلک سامنے آگئی

کراچی : (ویب ڈیسک) پاکستانی کلچر کی عکاسی کرتی مارول سٹوڈیوز کی نئی سیریز ‘مس مارول’ نے کامیابی کےجھنڈے گاڑتے ہوئے پاکستان سمیت دنیا بھر میں دھوم مچا رکھی ہے۔
ویب سیریز میں پاکستانی کچلر کو بہترین انداز میں پیش کیا گیا ہے، سندھی شادی کی رسم لاؤں کو بھی سیریز میں شامل کیا گیا ہے جس سے پاکستانی ناظرین میں حیرت اور خوشی کی لہر دوڑ گئی ہے۔
سیریز میں پاکستانی ستاروں ثمینہ احمد، مہوش حیات اور نمرہ بچہ کی اداکاری کو شائقین نے خوب سراہا ہے جبکہ فواد خان کی انٹری نے بھی لوگوں کو خوش کردیا ہے۔
گزشتہ روز ریلیز ہونے والی قسط میں کمالہ ایک پرانی تصویر دیکھ رہی ہوتی ہیں اور اس بلیک اینڈ وائٹ تصویر پر فواد خان ایک بچی کے ساتھ کھڑے نظر آرہے ہیں۔
قسط کے کریڈٹس میں بھی فواد خان کا نام نظر آیا جس کے بعد مداحوں کو یقین ہوگیا کہ آنے والی قسطوں میں وہ فواد خان کو دیکھ سکیں گے۔