اسلام آباد: (ویب ڈیسک) وفاقی وزیر برائے ہوابازی اور ریلوے خواجہ سعد رفیق نے کہا ہے کہ پارلیمنٹ کو سابق وزیراعظم کے خلاف آرٹیکل 6 کے تحت کارروائی کرنا ہوگی۔
پاکستان مسلم لیگ (ن) سے تعلق رکھنے والے وفاقی وزیر نے یہ بات سماجی رابطوں کی ویب سائٹ ’ٹوئٹر‘ پر جاری کردہ بیان میں کہی ہے۔
خواجہ سعد رفیق نے کہا ہے کہ ڈپٹی اسپیکر کی رولنگ کے خلاف سپریم کورٹ کے تفصیلی فیصلے اور جسٹس مظہرعالم کے نوٹ کے بعد پارلیمنٹ کو سابق وزیراعظم، صدر، اسپیکر اور ڈپٹی اسپیکر کے خلاف آرٹیکل 6 کے تحت کارروائی کرنا ہو گی۔
وفاقی وزیر خواجہ سعد رفیق نے متنبہ کرتے ہوئے کہا ہے کہ وگرنہ ہر آنے والا آئین کی بے حرمتی کرتا رہے گا۔
