بھارتی فضائیہ اڑتا پھرتا شمشان گھاٹ

نئی دہلی:(ویب ڈیسک) بھارتی افواج میں فضائی حادثے روزمرہ کا معمول بن گئے، گزشتہ 30 سالوں میں 534 چھوٹے بڑے جہاز فضائی حادثوں کا شکا ر ہوئے جن میں 152بھارتی پائلٹ ہلاک ہوئے۔
صرف گزشتہ5 سالوں میں45 فضائی حادثات میں42 بھارتی فوجی ہلاک ہوئے، مارچ2017 سے اب تک 18 ہیلی کاپٹر گر کر تباہ ہو چکے ہیں، زیادہ تر حادثات پائلٹ کی غفلت، غیر معیاری دیکھ بھال اور ناکافی تربیت کے باعث پیش آئے۔
بھارتی فضائیہ میںMIG-21 طیارے Flying Coffen اورWidow Maker کے نام سے جانے جاتے ہیں، 2012 میں بھارتی وزیر دفاع نے پارلیمنٹ کو بتایا کہ بھارتMIG-21 بیڑے کے نصف سے زائد جہازوں کو حادثات میں کھو چکا ہے۔
بھارتی وزیردفاع اے کے انٹونی کے مطابق 872 جہازوں کے بیڑے میں سے482 حادثات کا شکار ہوئے، صرف 2021 میں پانچMIG-21 حادثے کا شکار ہوئے، 8 دسمبر2021 کو ہیلی کاپٹر کریش میں جنرل بپن راوت سمیت 13 فوجی افسران ہلاک ہوئے تھے۔
جنوری2023 میں مدھیا پردیش میںSU-30 اور میراج2000 ٹکرا کر تباہ ہو گئے تھے،8 مارچ2023 کو بھارتی بحریہ کا ہیلی کاپٹر بحیرہ عرب میں ڈوب گیا تھا۔