گڈو پاور پلانٹ کشمور کے ٹرانسفارمر میں ہوئےدھماکے اور آتشزدگی سے ہائی ٹرانسمیشن لائنیں ٹرپ کر گئیں، جس کے باعث ملک کے کئی حصوں میں بجلی کی سپلائی معطل ہو گئی۔
ذرائع کے مطابق شدید دھند کے باعث بجلی بحالی کا کام بھی شروع نہ ہوسکا۔
گڈو تھرمل پاور ہاؤس میں آگ 500 کے وی سوئچ یارڈ ٹرپ ہونے کے باعث لگی، جس کے بعد پلانٹ کے گرڈ اسٹیشن میں ایمرجنسی نافذ کردی گئی۔
حکام کا بتانا ہے کہ فنی خرابی کے باعث پاور ہاؤس کے سوئچ یارڈ میں دھماکا ہوا، پاور پلانٹ میں لگنے والی آگ سخت جدوجہد کے بعد بجھادی گئی۔ تاہم لائنیں ٹرپ ہونے سے سندھ، پنجاب اور بلوچستان کے مختلف اضلاع کو بجلی کی فراہمی معطل ہوگئی۔
