نئی دہلی: بھارتی ریاست جھارکھنڈ میں مسافر ٹرین کی 18 بوگیاں پٹڑی سے اتر کر سامنے سے آنے والی مال گاڑی سے ٹکرا گئیں۔
بھارتی میڈیا کے مطابق ٹرین کی بوگیاں پٹڑی سے اترنے اور مال گاڑی سے ٹکرانے کے نتیجے میں افراتفری مچ گئی۔ قریبی علاقوں کے مکینوں نے اپنی مدد آپ کے تحت اسپتال منتقل کیا۔
حادثے کے بعد ٹریک کو بحال کرنے میں گھنٹوں لگ گئے۔ 5 ٹرینوں کو منسوخ جب کہ 4 کا عارضی طور پر رُوٹ تبدیل کردیا گیا۔
ریلوے حکام کا کہنا ہے کہ حادثے میں کم از کم 2 مسافر ہلاک اور 20 زخمی ہوگئے جن میں سے 4 کی حالت نازک ہونے کے سبب ہلاکتوں میں اضافے کا خدشہ ہے۔
پولیس کا کہنا ہے کہ حادثے کی وجہ کا تعین نہیں ہوسکا تاہم ایک انکوائری کمیٹی تشکیل دیدی گئی۔
