لاہور; پنجاب حکومت نے ملک کی پہلی صوبائی ایئر لائن ”ایئر پنجاب“ اور پہلی بلٹ ٹرین چلانے کا فیصلہ کیا ہے، پہلی صوبائی ایئر لائن”ایئر پنجاب“ کاپراجیکٹ خصوصی اجلاس میں پیش کر دیا گیا- وزیراعلیٰ مریم نواز نے اس کے ساتھ لاہور سے راولپنڈی بلٹ ٹرین پراجیکٹ کی اصولی منظوری بھی دے دی ، ”ایئرپنجاب“ کے لئے فوری طور پر چار ا یئر بس لیز پر لینے کا فیصلہ کیا گیا-ابتدائی طورپر ”ایئر پنجاب“اندرون ملک ڈومیسٹک پروازیں شروع کرے گی-ایک سال مکمل ہونے کے بعد بیرون ملک پروازیں بھی شروع کر سکے گی- وزیراعلیٰ ٰ نے جدید ترین طیارے لیز پر لینے اور ملک کی بہترین ایئر لائن بنانے کے لئے ضروری انتظامات کی ہدایت کی ، بلٹ ٹرین کے ذریعے لاہور سے راولپنڈی کے سفر کا دورانیہ تقریباً اڑھائی گھنٹے تک رہ جائے گا- وزیراعلیٰ نےسینئر منسٹرمریم اورنگزیب کو پاکستان ریلوے سے اشتراک کار کا ٹاسک سونپ دیا- پبلک پرائیویٹ پارٹنر شپ کے آپشن پر بھی غورکیا جا رہاہے ،وزیراعلیٰ کی زیر صدارت اجلاس میں پنجاب کے مزید چھ روٹس پر ہائی سپیڈ ٹرین کے لئے پلان طلب کر لیا گیا ، لاہور ییلو لائن اور ماس ٹرانزٹ لائن گوجرانوالہ پراجیکٹ کا جائزہ بھی لیا گیا- جناح ٹرمینل ٹھوکر نیاز بیگ تا ہربنس پورہ ییلو لائن پراجیکٹ سٹڈی 30مئی تک مکمل کرنے کی ہدایت ، گوجرانوالہ ماس ٹرانزٹ لائن کی پراجیکٹ سٹڈی کے لئے 15جون کی ڈیڈ لائن مقررکردی گئی ای- ٹیکسی پراجیکٹ کے بارے میں تفصیلی بریفنگ بھی دی گئی ،وزیر اعلیٰ نے ایکس پر پیغام تشکر میں کہا ہے کہ ترکیہ کے شہر ارضروم میں 6ویں ای سی او ٹورازم وزارتی اجلاس میں تاریخی ورثے اور محبتوں کے شہر لاہور کو”ٹورازم کیپٹل 2027“قرار دے دیا گیا ہے جو پاکستان اور پنجاب کے لیے قابلِ فخر، تاریخی لمحہ اوراعزازہے،وزیراعلی سے رکن صوبائی اسمبلی ملک نوشیر خان انجم لنگڑیال نے ملاقات کی، وزیراعلی نے کہا حکومت پنجاب کے موثر اور پائیدار اقدامات کی بدولت کسان کیلئے ترقی وخوشحالی کے راستے کھل رہے ہیں ،وزیراعلی نے بنوں میں دہشتگردوں کے خلاف آپریشن میں کامیابی پر سکیورٹی فورسز کو خراج تحسین پیش کرتے ہوئے کہا کہ وطنِ عزیز کے دفاع کے لئے قوم پاک فوج کے ساتھ ہے۔
