اسرائیل کا ایران پر تازہ حملہ، دارالحکومت تہران میں کئی دھماکوں کی آوازیں
اسرائیل نے ایران پرتازہ حملہ کیا ہے اور دارالحکومت تہران میں کئی دھماکوں کی آوازیں سنی گئی ہیں۔
اسرائیلی میڈیا کے مطابق دھماکے تہران کے مشرق اور جنوب مشرقی علاقوں میں کیے گئے۔
اسرائیلی میڈیا کا کہنا ہے کہ جنوب مغربی خوزستان صوبے کے شہر اہواز میں بھی کئی دھماکے سنے گئے ہیں۔
اس سےقبل پیر اور منگل کی درمیانی شب ایران نےاسرائیلی پر ایک اور بڑا حملہ کیا تھا جس میں تل ابیب اور حیفہ پر میزائل اور ڈرونز داغے گئے، ان حملوں میں 3 اسرائیلی ہلاک ہوگئے تھے۔
ایران کا اسرائیل پر سائبر حملہ، شہریوں کو پناہ گاہوں میں جانے کے پیغامات موصول
ایران کی جانب سے اب اسرائیل پر سائبر حملہ کیا گیا جس میں موبائل فونز کو نشانہ بنایا جا رہا ہے۔
اسرائیل میڈیا کے مطابق ایران نے اسرائیل پر سائبر حملہ کیا ہے جس میں اسرائیلی شہریوں کو پناہ گاہوں میں جانے اور ایندھن ذخیرہ کرنے کے پیغامات موصول ہوئے ہیں۔
اسرائیلی حکام نے شہریوں کو ہدایت جاری کی ہے کہ یہ ایران کا سائبرحملہ ہے، عوام اس پر توجہ نہ دیں۔
