بجلی کی قیمتوں میں مسلسل اضافہ ہو رہا ہے اور اس میں کمی کا بظاہر کوئی امکان نہیں، خاص طورپر جب پیٹرولیم مصنوعات کی قیمتیں مسلسل بڑھ رہی ہیں۔
مگر اب آپ اپنے گھر کی زمین سے بھی بجلی پیدا کرسکیں گے۔
جی ہاں برطانیہ کے سائنسدانوں نے ایک ایسا آلہ تیار کیا ہے جو مٹی سے بجلی پیدا کرنے میں مدد فراہم کرتا ہے۔
ایک برطانوی کمپنی
Bactery نے یہ آلہ تیار کیا ہے جو کسی باغ کی زمین میں موجود بیکٹیریا سے بجلی پیدا کرسکتا ہے۔
کمپنی کے بانی اور چیف ایگزیکٹو ڈاکٹر جیکب نے بتایا کہ ہم اس آلے کی آزمائش Bath کے نواح میں واقع اپنے باغ میں کر رہے ہیں اور حقیقی دنیا میں مشاہدہ کر رہے ہیں کہ یہ آلہ کس طرح کام کرتا ہے۔
یہ بنیادی طور پر ایک بیٹری کی طرح ہے جو زمین میں موجود بیکٹریا سے توانائی جمع کرتی ہے۔
کمپنی کے مطابق یہ آلہ یہ 24 گھنٹے بجلی پیدا کرنے کی صلاحیت رکھتا ہے، جبکہ ہم اس آلے کو زمین کے ہر قسم کی مٹی میں کام کرنے کے قابل بنانا چاہتے ہیں۔
ڈاکٹر جیکب نے کہا کہ انہیں توقع ہے کہ یہ ڈیوائس دیگر ماحول دوست سسٹمز جیسے سولر سسٹم کی طرح بجلی کے حصول میں مدد فراہم کرسکے گی۔
کمپنی کے مطابق یہ آلہ کسی بیٹری پاور ڈیوائس کے مقابلے میں زیادہ عرصے تک کام کرنے کی صلاحیت رکھتا ہے۔
