پولینڈ نے روس کی جانب سے یوکرین پر حملوں میں شدت آنے کے بعد فوری طور پر اپنے لڑاکا طیارے روانہ کر دیے ہیں اور فضائی دفاعی نظام کو بھی فعال کر دیا ہے۔
پولینڈ حکام کے مطابق یہ اقدامات احتیاطی طور پر کیے گئے ہیں تاکہ ملک کی فضائی حدود، خاص طور پر یوکرین کی سرحد کے قریب علاقوں میں کسی بھی ممکنہ خطرے سے نمٹا جا سکے۔ حکام نے واضح کیا کہ یہ فیصلہ موجودہ صورتحال کے پیش نظر ایک حفاظتی اقدام ہے اور اس کا مقصد کسی بھی ہنگامی صورتحال سے بروقت نمٹنا ہے۔
یہ اقدام ایسے وقت میں سامنے آیا ہے جب روس اور یوکرین کے درمیان جنگ میں شدت دیکھی جا رہی ہے اور سرحدی خطے کے ممالک اپنی دفاعی تیاریوں کو مزید مضبوط بنا رہے ہیں۔
