یوکرین کے شمال مشرقی علاقے خارکیف کے گاؤں پیچینیہی پر روسی میزائل حملے میں 10 افراد جاں بحق اور 8 زخمی ہوگئے۔
علاقائی گورنر اولیہ سینی ہوبوف نے ٹیلی گرام پر جاری بیان میں بتایا کہ میزائل حملے سے شہری عمارتوں اور گاڑیوں کو بڑے پیمانے پر نقصان پہنچا۔
حکام کے مطابق حملے کے بعد امدادی کارروائیاں جاری ہیں جبکہ متاثرہ علاقے میں سکیورٹی اور صورتحال کا جائزہ لیا جا رہا ہے۔ روس اور یوکرین کے درمیان جاری جنگ کے دوران شہری علاقوں پر حملوں سے انسانی بحران مزید سنگین ہونے کا خدشہ ہے۔
