واشنگٹن(آئی این پی )مشرق وسطی میں جاری
کشیدگی کے باعث عالمی مارکیٹ میں خام تیل کی قیمت میں اضافے کا سلسلہ بدستور جاری ہے۔برطانوی ویب سائیٹ کی رپورٹ کے مطابق عالمی منڈی میں مربن خام تیل کی قیمت 122 ڈالر فی بیرل ہوگئی۔ رپورٹ کے مطابق برینٹ خام تیل کی قیمت مزید ایک فیصد اضافے کے ساتھ 108.68 ڈالر فی بیرل ہوگئی۔امریکی خام تیل ویسٹ ٹیکساس انٹرمیڈیٹ کی قیمت بھی مئی کے وسط کے بعد بلند ترین سطح پر پہنچ گئی اور 6.7 فیصد اضافے کے ساتھ 103 ڈالر فی بیرل پر بند ہوئی۔واضح رہے کہ یمن میں حوثیوں کی جانب سے بندرگاہی شہر موخا پر قبضے اور آبنائے ہرمز میں مزید بحری جہازوں کو نشانہ بنائے جانے کی اطلاعات کے بعد عالمی توانائی کی سپلائی میں خلل کے خدشات بڑھ گئے ہیں۔
