کراچی: کورنگی صنعتی ایریا میں پولیس اہلکار پر خاتون سے زیادتی کی کوشش کا مقدمہ

کراچی (این این آئی) کورنگی صنعتی ایریا پولیس نے اپنے ہی تھانے میں تعینات پولیس کانسٹیبل کے خلاف خاتون سے مبینہ زیادتی کی کوشش اور اسلحے
کے زور پر دھمکانے کے الزام میں مقدمہ درج کرلیا۔ پولیس کے مطابق مقدمہ نمبر 1144 سال 2026، تعزیرات پاکستان کی دفعات 376، 511 اور 506 (ب) کے تحت درج کرکے مزید تفتیش کے لیے انوسٹی گیشن پولیس کے حوالے کر دیا گیا ہے۔ واقعہ 2 ستمبر کو پیش آیا جبکہ خاتون نے 9 ستمبر کو مقدمہ درج کرایا۔ مدعیہ نے پولیس کو دیئے گئے بیان میں بتایا کہ وہ مہران ٹاؤن سیکٹر 6 ڈی کی رہائشی اور گھر پر سلائی کڑھائی و مہندی لگانے کا کام کرتی ہے۔ اس کے مطابق پولیس کانسٹیبل نور اور اس کا خاندان گزشتہ چار پانچ سال سے ان کے خاندان کو جانتا ہے اور دونوں خاندانوں کے درمیان گھریلو مراسم ہیں۔