ڈی آئی جی آپریشنز کی کھلی کچہری ‘ عوامی شکایات پر فوری احکامات جاری

لاہور(کرائم رپورٹر)ڈی آئی جی آپریشنز فیصل کامران نے اپنے دفتر میں کھلی کچہری کا انعقاد کیا۔ فیصل کامران نے شہریوں کے مسائل سنے اوڑ متعلقہ افسران کو کارروائی کے احکامات جاری کیے۔ کھلی کچہری میں فراڈ، دھمکیوں، جائیداد اور گھریلو
تنازعات کی شکایات سنیں گئیں۔ خواتین کی گھریلو تشدد اور ہراسگی سے متعلق شکایات پر ڈی آئی جی آپریشنز نیفوری کارروائی کا حکم دیا۔ اسی طرح طلاق کے بعد سامان واپس نہ ملنے کی شکایت پر ایس ایچ او شاہدرہ کو قانون کے مطابق کارروائی کی ہدایت کی۔45 لاکھ کی پراپرٹی ڈیل میں رقم خرد برد کی شکایت پر فیصل کامران نے ایس ایچ او مصطفیٰ ٹاؤن کو مقدمہ درج کرنے کا حکم دیا جبکہ5 لاکھ روپے خرد برد اور لین دین فراڈ کی شکایات پر متعلقہ ایس ایچ اوز کو قانونی کارروائی کی ہدایت کی۔ سود خور کی دھمکیوں کی شکایت پر ایس ایچ او فیکٹری ایریا کو کارروائی کا حکم دیا۔ فیصل کامران نے وراثتی جائیداد اور دیگر تنازعات پر شواہد کی روشنی میں کارروائی کا حکم دیا۔ فیصل کامران نے کہا کہ خواتین کی شکایات پر فوری داد رسی یقینی بنائی جائے۔ ڈی آئی جی آپریشنز نے کہا کہ شہریوں کی شکایات پر بروقت قانونی کارروائی ہر افسر کی اولین ترجیح ہونی چاہیے