اسلام آباد (این این آئی)مرکزی ترجمان پاکستان پیپلز پارٹی پارلیمنٹرینز شازیہ مری نے پٹرولیم مصنوعات میں مسلسل اضافہ پر شدید تشویش
کا اظہار کرتے ہوئے کہاہے کہ حکومت نے عوام کو ایک اور مہنگائی کا جھٹکا دے دیا، پٹرول مہنگا، پہلے سے مہنگائی کے ستائے عوام پر نیا بوجھ ہے ۔ اپنے بیان میں شازیہ مری نے کہاکہ حکومت نے عوام کو ریلیف دینے کے بجائے پٹرول مزید مہنگا کر دیا، پٹرول کی قیمت میں اضافہ، روزمرہ زندگی مزید مشکل ہونے کا خدشہ ہے ۔ شازیہ مری نے کہاکہ پٹرول مہنگا ہونے سے ٹرانسپورٹ اور اشیائے ضرورت کی قیمتیں متاثر ہونے کا امکان ہے، مہنگائی کے اس بوجھ سے عوام کو کب نجات ملے گی؟۔ شازیہ مری نے کہاکہ عوام کو ریلیف دینے کے دعوے کہاں گئے؟ پیٹرول پھر مہنگا، پٹرولیم قیمتوں میں اضافے سے ہونے والی مزید مہنگائی غریب طبقہ کیسے جھیلے گا؟ ۔ شازیہ مری نے کہاکہ حکومت کمزور اور مستحق طبقات کو فوری اور مؤثر ریلیف فراہم کرے، عوام کو مزید مہنگائی کے بوجھ تلے نہیں دبایا جا سکتا۔
