لاہور(خبریں ڈیجیٹل) لندن سے بنگلادیش جانیوالی پرواز میں مسافروں کے درمیان جھگڑے کی ویڈیو وائرل ہوگئی۔ سوشل میڈیا پر ایک ویڈیو وائرل ہو رہی ہے جس میں بیمان بنگلادیش ائیر لائنز کی پرواز کے دوران 2 مسافروں کو آپس میں لڑتے ہوئے دیکھا جا سکتا ہے۔میڈیا رپورٹس کے مطابق جہاز مسافروں کو لے کر لندن سے بنگلادیش جارہا تھا کہ مبینہ طور پر 2 مسافروں کے درمیان تلخ کلامی ہوئی جو بعد ازاں ہاتھا پائی میں بدل گئی۔لڑائی کے نتیجے میں جہاز میں موجود بچوں اور بزرگوں سمیت دیگر مسافروں میں خوف و ہراس پھیل گیا۔ویڈیو میں دیکھا جاسکتا ہے لڑائی کے دوران ایک مسافر کے کپڑے بھی پھٹ گئے جبکہ جہاز کے عملے سمیت مسافروں نے لڑائی ختم کروانے میں مدد کی۔
