جعلی ویڈیوز مصنوعی ذہانت تعز محاذ کو الجھانے کیلئے حوثی افواہوں کا سہارہ لینے لگے

صنعا(این این آئی)یمنی وزیر اطلاعات معمر الریانی نے حوثی ملیشیا کی طرف سے تعز گورنوریٹ میں اپنے فوجی تصادم کے ساتھ ساتھ چلائی جانے والی میڈیا اور نفسیاتی جنگ کے خطرے سے خبردار کیا ہے، اس کا مقصد جنگجوں کے حوصلے متاثر کرنا، عوامی حامیوں کو الجھانا اور محاذوں اور چوکیوں کے گرنے کا جھوٹا تاثر پیدا کرنا ہے۔الریانی نے وضاحت کی ہے کہ حوثی پروپیگنڈا ریاست کے سیاسی اور فوجی رہنماں کے جعلی اکانٹس پر انحصار کرتا ہے جو جھوٹے بیانات جاری کرتے ہیں اور جاری واقعات کے ثبوت کے طور پر پرانی ویڈیوز کو دوبارہ شائع کرتے ہیں۔ حوثی اکانٹس کے ذریعے براہ راست یا قومی صفوں میں موجود رہنماں اور دھڑوں کی شخصیات اور تصویریں لگا کر افواہیں اور جھوٹا پروپیگنڈا پھیلایا جاتا ہے۔انہوں نے مزید کہا کہ اس طریقہ کار کا مقصد صرف ایک الگ تھلگ افواہ پھیلانا نہیں ہے بلکہ ایک ایسا گمراہ کن معلوماتی ماحول تیار کرنا ہے جس سے جھوٹی خبر بار بار سامنے آنے والی لگے اور سنے والے کو یہ باور کرنے پر مجبور کرے کہ اس کے گردش کرنے والے ذرائع کا تعدد لازمی طور پر اس کی صداقت کی دلیل ہے۔