غزہ (این این آئی)اسرائیلی فوج کی غزہ میں جنگ بندی کی خلاف ورزیاں جاری ہیں۔ فلسطینی حکام کے مطابق غزہ شہر میں رات گئے رہائشی عمارت پر اسرائیلی فضائی حملے میں 5 افراد شہید جبکہ 6 زخمی ہوگئے۔حکام کے مطابق شہید افراد میں 4 خواتین شامل ہیں جن میں 2 کا تعلق مسیحی برادری سے ہے۔ فلسطینی حکام کا کہنا تھا کہ حملے کے وقت عمارت میں لوگ سو رہے تھے۔فلسطینی حکام کے مطابق گزشتہ اکتوبر میں جنگ بندی شروع ہونے کے بعد سے اسرائیلی حملوں میں کم از کم 1,400 فلسطینی شہید ہو چکے ہیں۔
