اسلام آباد’ وہاڑی(ویب ڈیسک’ نامہ نگار،خبر نگار،تحصیل رپورٹر،نمائندہ خبریں) ذرائع کے مطابق
ملک میں یکم جنوری 2027 سے بجلی کا نیا ٹیرف 27.31 روپے فی یونٹ ہونے کا امکان ہے۔پاکستان میں بجلی کی خریداری کی قیمت 2027 میں بڑھ کر 27.309 روپے فی کلو واٹ آور یونٹ تک پہنچ سکتی ہے۔ سینٹرل پاور پرچیزنگ ایجنسی نے بجلی کے نرخوں کی آئندہ نظرثانی کیلئے بنیادی تخمینے کے تحت بجلی کی مجموعی خریداری کی لاگت 3.55 ٹریلین روپے رہنے کی پیشگوئی کی ہے۔یہ تخمینے واپڈا کی سابقہ بجلی تقسیم کار کمپنیوں کے صارفین کے لیے بجلی کے نرخوں پر نظرثانی کے عمل کا حصہ ہیں جس کا اطلاق یکم جنوری 2027 سے متوقع ہے۔ اس عمل کے دوران نئے دور کیلئے بجلی نرخوں کے تعین میں استعمال نظرثانی شدہ بنیادی لاگت ریفرنس کاسٹ کا تعین کیا جائے گا جس کی بنیاد پر صارفین کے لیے بجلی کے ٹیرف مقرر کیے جائیں گے۔ وہاڑی،کوٹ ادو،سنانواں سے نامہ نگار،خبر نگار،تحصیل رپورٹر،نمائندہ خبریں کے مطابق ایل پی جی گیس کی قیمت مختلف شہروں میں بہت زیادہ بڑھنے سے شہریوں کو مشکلات کا سامنا،وہاڑی میںایل پی جی سلنڈرز کی قیمتوں میں عدم استحکام فی سلنڈر پندرہ سو روپے کا اضافہ، نایاب ہونے کا بھی خدشہ، صارفین محمد طارق ملک، رائے اشفاق کھرل،باؤ اسلم،شیخ مجید سالک،سہیل بھٹی اور شیخ فضل الرحمن نے بتایا کہ ایران بارڈر کی بندش کو جواز بنا کر ایل پی جی گھریلو سلنڈر جو 51 سو روپے میں دستیاب تھا 58 پھراچانک 66 سو روپے میں سیل کیا جاتا رہا انتظامی افسران اور پیرا حکام کی کارروائی ہو جانے کے خوف سے اکثر گیس ڈیلرز اور دوکانداروں نے دن بھر شٹر ڈاؤن رکھے اور سیل روکے رکھی ۔سنانواں میں ایران کے ساتھ سرحدی آمدورفت متاثر ہونے کے باعث ایل پی جی کی درآمد اور سپلائی میں رکاوٹ پیدا ہونے سے مقامی مارکیٹ میں گیس کی قلت پیدا ہو گئی ہے، جبکہ ایل پی جی کی قیمت 620 روپے سے بڑھ کر 650 روپے فی کلو تک پہنچنے کی اطلاعات ہیں۔ گیس کی بڑھتی ہوئی قیمتوں اور عدم دستیابی کے باعث گھریلو صارفین کو شدید مشکلات کا سامنا ہے، جبکہ ایل پی جی ڈیلرز بھی کاروباری پریشانیوں سے دوچار ہیں۔ شہریوں کا کہنا ہے کہ پہلے ہی مہنگائی نے گھریلو بجٹ کو متاثر کر رکھا ہے، ایسے میں کھانا پکانے کے لیے استعمال ہونے والی گیس کی قیمتوں میں اضافہ عام آدمی کے لیے مزید مشکلات پیدا کر رہا ہے۔شہریوں محمد اسلم، عبدالحمید، محمد اکرم، غلام عباس اللہ ڈتہ عاشق حسین نور محمد غلام فرید اور دیگرصارفین کا مطالبہ ہے کہ حکومت گیس کی قلت کا فوری نوٹس لے، سپلائی بحال کرے ۔کوٹ ادومیں ایل پی جی کی قیمتوں میں ہوشربا اضافیاورسرکاری نرخوں پر عملدرآمد نہ ہونے کے باعث شہری شدید پریشانی کا شکار ہیں۔ شہریوں کے مطابق ایل پی جی دکاندار سرکاری نرخ 280 روپے فی کلو کے بجائے 520 روپے فی کلو فروخت کر رہے ہیں جس سے صارفین کو ہر کلو گیس پر 240 روپے اضافی ادا کرنا پڑ رہے ہیں، شہریوں نے ڈ پٹی کمشنر،پرائس کنٹرول مجسٹریٹس اور ایل پی جی کی قیمتوں کی نگرانی کرنے والے متعلقہ حکام سے مطالبہ کیاکہ معاملے کا فوری نوٹس لیا جائے، سرکاری نرخوں کی تصدیق کے بعد مارکیٹوں میں سخت چیکنگ کی جائے،نرخ نامے نمایاں مقامات پر آویزاں کرائے جائیں اور زائد قیمت وصول کرنے والے دکانداروں کے خلاف بلا امتیاز قانونی کاروائی کی جائے ۔
یکم جنوری 2027 بجلی مہنگی قیمت 27.31 روپے یونٹ ہو جائےگئی ایل پی جی 500 روپے کلو فروخت
