سوئی ناردرن ایگزیکٹو آفیسرز ایسوسی ایشن کے بذریعہ ای ووٹنگ نتائج کا اعلان

لاہور (کامرس رپورٹر) سوئی ناردرن الیکشن کمیشن کی جانب سے سوئی ناردرن ایگزیکٹو آفیسرز ایسوسی ایشن (SNEOA) کے بذریعہ الیکٹرانک ووٹنگ (ای بیلٹنگ) انتخابات 2026-2028 کے نتائج کا اعلان سوئی ناردرن ایگزیکٹو آفیسرز ایسوسی ایشن (SNEOA) کے سال 2026 تا 2028 کی مدت کے لیے انتخابات 16 اکتوبر2026 کو الیکٹرانک ووٹنگ (ای بیلٹنگ) کے ذریعے منعقد ہوئے جن میں ادارے بھر سے ایگزیکٹوز نے بھرپور جوش و خروش کے ساتھ حصہ لیا۔ انتخابات میں جناب فرخ مجید بالا ایسوسی ایشن کے صدر منتخب ہو گئے’ دیگر کامیاب امیدواروں میں جناب وقاص اللہ خان (نائب صدر)، جناب کاشف منہاس (جنرل سیکرٹری)، جناب وہیب افتخار (جوائنٹ سیکرٹری)، جناب ضیا الرحمان (سوشل سیکرٹری)، محترمہ مدیحہ اسد (فنانس سیکرٹری) اور مسز نازیہ رشید (انفارمیشن سیکرٹری) شامل ہیں۔ علاوہ ازیں ایگزیکٹو کمیٹی کے لیے آٹھ اراکین بھی منتخب ہوئے۔ سوئی ناردرن کے الیکشن کمیشن نے انتخابی عمل کو موثر اور منظم انداز میں پایا تکمیل تک پہنچایا۔ نومنتخب عہدیداران نے ایسوسی ایشن کو مزید مستحکم بنانے، ایگزیکٹوز کے پیشہ ورانہ مفادات کے تحفظ، تمام اراکین کی شمولیت کو فروغ دینے اور باہمی مشاورت، تعمیری مکالمے اور اجتماعی کاوشوں کے ذریعے اراکین کے مسائل کے حل کے عزم کا اظہار کیا ہے۔