پی ایس ٹی کے دونوں دھڑوں کے انضمام کی تیاریاں آخری مرحلے میں داخل

کراچی(این این آئی) پاکستان سنی تحریک کے دونوں دھڑوں کے انضمام کی تیاریاں آخری مراحل میں داخل ہوگئی ہیں، جس کے بعد کراچی کی سیاسی صورتِ حال میں اہم پیش رفت متوقع ہے۔ذرائع کے مطابق پاکستان سنی تحریک کے دونوں گروپوں کے سربراہ ثروت اعجاز قادری اور علامہ شاداب رضا نقشبندی کے درمیان گزشتہ دنوں اہم ملاقات ہوئی، جس میں دونوں دھڑوں نے دوبارہ سیاسی اتحاد قائم کرنے اور مل کر کام کرنے پر اتفاق کیا۔ دونوں رہنماؤں کی جانب سے جلد مشترکہ پریس کانفرنس بھی متوقع ہے۔واضح رہے کہ 31 اگست 2023 کو پاکستان سنی تحریک کے سینئر رہنماؤں نے ثروت اعجاز قادری سے پارٹی کی سربراہی واپس لے کر علامہ شاداب رضا نقشبندی کو نیا سربراہ نامزد کیا تھا۔ اس فیصلے کے بعد ثروت اعجاز قادری نے علیحدہ گروپ قائم کرلیا تھا۔