ٹریکنگ آئی ڈی گم ہوگئی؟ شناختی کارڈ کا اسٹیٹس معلوم کرنیکا آسان طریقہ

کراچی(این این آئی) نیشنل ڈیٹابیس اینڈ رجسٹریشن اتھارٹی (نادرا) نے ٹریکنگ آئی ڈی گم ہونے، مٹ جانے یا یاد نہ رہنے کی صورت میں شناختی کارڈ اور دیگر دستاویزات کی درخواست کا اسٹیٹس معلوم کرنے کا آسان طریقہ بتا دیا۔نادرا کے پوڈ کاسٹ میں ایک شہری نے سوال کیا کہ اگر درخواست کی رسید یا ٹوکن گم ہوجائے، اس پر درج
ٹریکنگ آئی ڈی مٹ جائے یا یاد نہ رہے تو ایسی صورت میں کیا کرنا چاہیے؟اس سوال کے جواب میں نادرا کے ترجمان سید شباہت علی نے بتایا کہ شہری ایسی صورت میں پریشان نہ ہوں بلکہ اپنا شناختی کارڈ نمبر سامنے رکھ کر نادرا کی موبائل ہیلپ لائن سے رابطہ کریں۔ترجمان کے مطابق شہری موبائل فون سے 1777 ڈائل کرکے کسٹمر سروس ایجنٹ سے رابطہ کرسکتے ہیں۔